提高警惕!捍衛祖國!-火車廣告冇個正常
順時序:
例子一
airwaves香口膠,食完粒膠大叫我願意!系列,本身意念冇咩問題,第一次睇仲幾攪野,但係同一個笑話講第二次都變得唔好笑,你仲要每程車無啦啦大叫幾次我願意!好滋擾
例子二
中國聯通,冇錯,魯芬的確幾攪野,但係睇多幾次會好煩厭,尤其係佢個巨臀close-up(我認為張卡撞爆火車窗既聲效響呢個時刻播更真實),佢個死人tone:低至兩毫子炸,唔駛換卡,唔駛飛線,仲有6888字頭……
例子三
香島旅遊,賣點係少林武術院,可能俾周星馳既功夫加足球呢個概念點醒左,整左個功夫+祖國,影住兩個俾土共洗腦既小朋友聲嘶力竭,面容扭曲,用佢生平最大奶力大叫:提高警惕!捍衛祖國!(普通話)
(巴士四眼仔 TONE:響呢幾個SITUATION,我真係唔知有咩REACTION好)
比起欣宜,搵人去廣管局投訴仲有意義啦,大佬,欣宜有得揀轉台,依家我日日搭火車都逼住聽播!加埋我今日心情唔太靚,火滾!!
理智d,萬佳美既廣告係就係唔正常,都幾有教育意義既,
一個醜八怪經過萬佳美既燈光照射下變左靚女,冇錯,教曉我地唔好信相,唔好信網上自拍,經過燈光照射加無敵美白變焦,photoshop執兩執,真係阿豬阿狗都可以變張曼玉
咁多人揀亡命小巴,一黎貪佢快,二黎,可能佢地都覺得撞車死一了百了好過俾呢d廣告SM心靈同耳朵。
Leave a Comment May 24, 2006