我的世界盃早在8強便完了
64場睇左45場。
進攻足球係要貫徹始終既,唔可以入左一粒就唔再進攻,不斷咁進攻,不斷咁佔有住個球,從氣勢上壓住對手,一浪接一浪。到左淘汰賽,隊隊都求穩陣,入一球就算,俾人入番大不了咪射12碼?進攻足球已死,睇黎呢種風氣會延續落去,由波圖拎歐聯開始,希臘拎歐洲國家盃,4-5-1大行其道既世界盃…足協用個利遠射既波於事無補,增加意料之外靚既遠射,只會鼓勵龜縮球隊到達禁區頂剛觸及射程範圍就射,唔會再進一步猜入禁區,如果睇點球遠射入網,我不如睇哥爾夫球啦,如果一開始就諗住踢12碼,我不如前120分鐘唔鬼睇,剩係睇你12碼啦,再唔係,打咩120分鐘,一開始射12碼,你又慳水慳力,仲一定大比數賽果。
我要睇既係組織而唔係遠射同亂斬波,我要睇既係進攻足球而唔係偽進攻足球既入一球算數,我要睇既係中前場入波,唔係靠後衛符碌頂入……響阿根廷同西班牙出左局之後,我睇唔倒進攻足球,我睇唔倒有組織,小組入滲既進攻足球,adidas既+10係10條友一齊上去進攻,唔係10條友一齊打半場波。
#C.朗拿度打既唔係悅目足球,佢只係show一輪腳法去邊線玩番搏符碌亂斬波,講到尾,只係高Q大棍之前扭多野屎忽花
#列基美我依然撐你,你係vintage進攻中場,響呢個時勢依然堅持自己所信奉既上年代踢法,冇咩人知道你腳法可以媲美朗拿顛奴(唔用唔代表唔識,不為,非不能也),同埋超卓既足球智慧同閱讀球賽能力,呢個世代買少見少,我會響西甲撐你同蘇連既維拉利爾,人地唔明唔緊要,我不嬲都好為少數同埋走向偏鋒。
Leave a Comment July 10, 2006