Oliver’s blog

英超勝利十一人?!

冇睇兩個星期姐?!唔駛咁好睇下嘛!係咪有導演教場內廿二個人點排位點踢嫁,唔睇電視台同衛星logo,話係打緊Winning都有人信!韋斯咸對富咸,組織係冇嫁勒,但係快上快落,夠勇!冇腳法唔緊要,死爆爛爆一樣可以好好睇!仲要紅牌都出埋咁戲劇,一輪攻防戰,零比零完場,冇入波,但係有球味。
曼聯同阿仙奴,睇邊場好?阿仙奴之前打到死下死下,攪到我有d心淡,轉睇曼聯,上半場攻防戰又真係幾悶,但係睇半場冇理由轉過去阿仙奴度睇勝負已分既比賽。下半場C.朗拿度真一球帶起左隊波,雖然我唔係太likey佢,但係呢排見佢勁左咁多真係吹佢唔脤……史高斯個球,禁區頂窩利楣底彈入,拎曬姿勢分。不過轉捩點都係C.朗拿度個球,俾人入一球之後維拉冇理由守落去,但係又攻曼聯唔入,守和戰術失敗,俾人入幾多粒都係數字遊戲,成隊波散曬。那邊廂阿仙奴6:2,有時真係諗,亨利唔出好似仲勁左。
車路士,上半場領先兩球都可以俾人追得和,摩連奴眼紅紅,眼淚凝在眼框就快掉下咁既樣,抵死,領先兩球敷衍應酬咁去踢,又唔換人,心涼。但係,吹佢唔脤既係臨完場15分鐘按制狂攻,補時階段全場未曾施射既洛賓又整球救命波…杜奧巴來個面前大漏陰死龍門…摩連奴,碌到你咁,又真係抵你串。

Leave a Comment December 24, 2006

值得紀念的一刻

我執房了。

3 Comments December 22, 2006

+進量產型

量產型一號名叫「古晶」(股蒸)。大便本是人生一大樂事,可是到了冬天,一切都變得不暢快,甚至有種畏懼的感覺。你會在廁所中左踱右踱,姿姿整整,硬是對坐在廁板十分猶豫。為什麼呢?就是恐懼坐在冰冷的廁板上那一刻如坐針氈的感覺,溫暖的屁股被經寒風洗禮過的廁板無情地蹂躪。是多麼的悲哀。為了讓世人在冬日感受人間溫暖,在寒風中享受如廁的快感。加進量產型一號,在傳熱能力良好的鋁合金造廁板下用萬能貼與廁板型的暖水袋水乳交融,黏在一起。這樣,暖水袋滿載的溫暖便可以經廁板傳到屁股,在嚴冬之下把屁股蒸暖,比整蠱之王古晶的發明更窩心。

在炎炎仲夏,只要在暖水袋放入冰水,古晶便變為量產型二號「兵團」(冰臀),廁所是沒有冷氣的幽蔽空間,在炎夏中大便往往使人汗流浹背,心情煩躁,但只要用兵團,冰鎮你的臀部,在夏日大便遲頓成高級享受,有了冰臀,在如廁比在加勒比海游泳更讓人暢快。

4 Comments December 8, 2006